小春~ 有冇掛住屋企呀?!

尋晚媽咪趕住要上瑪麗睇姥爺, 話要6:45出門口, 我諗住之前嗰晚, 我搭107向黃竹坑轉車, 重要轉埋上黃竹坑新村浪費曬d時間, 都係7點鬆d就番到屋企啦, 嗰3個字就叫媽咪唔洗等, 出咗門口先啦!! 呢次.... 我諗住試吓向香港仔隧道口轉車, 唔上黃竹坑應該會快d呱!! 等咗鬼死咁耐, 終於嚟架42, 點知.... 滿客飛站囉!! 激死我啦~~ 結果成7點半先番到去呀!! 可憐小春自己一個向屋企咋~~ 擔心死我啦!! 媽咪又不停打嚟問我去到邊, 志雄又係咁打嚟問我去到邊, 唉!!

一番到屋企, 見小春重訓緊, 我先呼一口氣.... 叫吓佢.... 問吓佢有冇掛住媽咪呀?! 叫佢鍚啖媽咪啦!! 錫完.... 醒曬.... 扭計.... 喊....

 

喊都唔止.... 小春~~ 呢套咩拳呀? 想打媽咪呀?! 哈哈

 

今朝一出房門, 99就問羅泳翹幾時番嚟呀?? 其實佢已經問咗兩日喇, 哈哈~ 我話今晚番..... 佢竟然話.... 今晚羅泳翹番嚟叫醒佢喎!! 哈哈~~ 小春真係多人鍚嘅啫!! 嘻嘻~

諗起今晚可以揍小春番屋企住幾日, 就好開心啦!! 唔知小春有冇掛住屋企呢?! 番到嚟又會唔會扭計掛住姥姥呢?! 好想快d到今晚呀~~