小春子向太姥爺請安~~

小春出咗世咁耐, 尋日終於先番得嚟華富村, 所以佢都未見過太姥爺!!

今朝, 一覺就訓到11:30先起身, 3:30又約咗Heidi行街喎, 又要飲我嘅燉品, 又想去睇姥爺, 又要同媽咪去買浴盆&我個鐵飯盒, 時間緊逼呀.....

但點緊逼, 都要同小春換番件靚靚衫先, 話曬第一次見太姥爺喎!!

 

大小姐~~ 有咩不滿呢?!                

 

係囉~~ 整番媽咪最鍾意嘅w咀未幾可愛!!

由華富落華貴, 路程大約10至15分鐘, 抱住小春落去, 都唔係好吃力啫!! 去到姥爺到, 小春已經訓著咗啦!! 我抱住佢向每個神仙拜拜, 又向姥姥張相拜拜!! 本來姥爺都訓緊覺, 又比媽咪叫醒咗, 但係... 小春未醒喎!! 都抱入去叫聲太姥爺啦!! 點知姥爺叫工人幫佢落床, 嘩! 咁大工程, 我更係抱小春出房先啦!! 點知... 轉頭媽咪就向姥爺房走出嚟, 話姥爺搵我!! 我入番去... 姥爺就問我.... bb呢?? 原來姥爺係搵小春, 唔係搵我囉!! 哈哈~~ 我抱小春入番房, 問姥爺抱唔抱佢, 岩岩出院嘅姥爺, 睇嚟重係好虛弱, 佢話自己有d唔舒服, 唔抱住啦!! 咁我就抱住叫極都唔醒嘅小春, 坐向床邊陪佢睇電視, 又傾吓計咁, 工人就一邊餵佢食粥!!

姥爺話佢d骨好痛, 睇佢個樣真係幾唔舒服吓!! 見到都有d心痛, 之後我就試吓好似掃風咁整醒小春, 同佢講呢個係太姥爺呀!! 小春~ 叫太姥爺啦!! 小春醒咗笑咗一笑, 個樣勁衰, 哈哈~ 姥爺見到都笑!! 跟住佢就即刻訓番啦!! 哈哈~~ 算好比面~~ 哈哈!!

離開姥爺屋企, 首先我哋就去咗榮記睇浴盆, 睇唔岩.... 剩係買咗我個鐵飯盒, 跟住就上廣泰睇吓啦!! 點解周圍d盆都有個pat pat位凸起咗家, 咁好易整親bb啫!! 又買唔到~~ 再上日本城睇吓啦!! 但係.... 我已經頂唔順啦!! 小春實在太聚手啦! 媽咪~~ 唔該哎!!

番到屋企.... 飲埋d燉品就出咗去血拚啦!!

晚飯.... 約埋志雄同Heidi男友食完飯, d戰利品我經以再拎唔到啦!! 老公, 唔該哎~~ 我直頭成個人虛脫呀!! 兩隻手臂直頭好似想揪根咁添呀~~

小春~~ 你.... 你幾時先識自己行呀?!