今日就忙啦!! 一早起身, 同媽咪&小春去銅鑼灣打針, 原本只係想食嗰個輪狀病毒疫苗, 同打4合1差咗嗰支(Hib), 點知.... 比個姑娘講得兩講, 就買多兩支5合1, 1支6合1, 水痘同甲型肝炎喇, 買單4千幾.... 重未計之後要打番嗰支肺鏈補針喎!! 基本上個姑娘都唔係問我打唔打, 係知我一定會同佢打囉!! 雖然好貴, 但係唔知就話啫, 知就更係要打啦!!
原來.... 小春怕食藥多過打針家!! 醫生少少少少咁分開餵, 餵到第3啖.... 見到小春縮囉!! 哈哈~~ 咁醫生就比佢休息咗一陣!! 見佢一路食, 一路eeoror, 好似向到鬧緊個醫生咁!! 勁搞笑囉!! 醫生就同佢講, 知你好想傾計, 不過e+食藥, 一陣先同你傾呀吓!! 到到打針喇, 聽d人講.... 私家打d針咩細支d, 咩幼d.... 真係一d都唔覺囉!! 不過小春都係喊咗3聲, 醫生就同佢講, 係未想傾計呀, e+可以傾啦!! 小春即刻收聲, 對住醫生笑曬咁!! 哈哈~~ 變面變得幾快呀!! 呢個衰女包, 真係忍得痛呀!!
同媽咪食完晏, 我就咩住小春, 又咩住一個大蝴蝶袋, 重要拖住一架bb車咁番慈云山, 直頭覺得自己好似神奇女俠咁呀!! 平時咩都做唔嚟嘅我.... 一對住個女, 只有一句.... 馬死落地行!! 哈哈~~
番到屋企, 哎呀!! 掛死嫲嫲囉!! 咩帶都未除完, 已經企向我隔離係咁叫羅泳翹啦!! 哈哈~~ 更係啦!! 成兩個禮拜冇見啦!!
本來小春今日3個月, 又適逢我哋結婚周年, 就好應該一齊出去慶祝吓, 順便影番d相留吓念嘅, 但係佢岩岩打完針, 我哋又唔敢帶佢出街喎, 一陣發燒.... 都唔知係關打針事, 定關出街冷親事, 制唔過!! 結果就放底咗佢比99, 我哋兩公婆自己出去啦!!
今年志雄好叻仔, 自己諗曬去邊到, 食乜嘢, 抵讚!! 不過要keep呀! 知唔知?! 
結果我哋去咗皇后飯店食..... 食嘅時候並唔係咩綿綿情話.... 而係..... 哈哈哈~~ 係講小春買保險買邊間好!! 
食完飯行咗一陣, 快d番去睇吓個臭b啦!! 爸爸好多日都冇見過個臭b囉!!
P.S. 比姨婆喻為"千金小姐"嘅圍巾, 終於岩用啦!! 因為佢開始鍾意玩口水啦!!
沒有留言:
張貼留言