攰死冇命賠...

嘩... 呢兩日真係攰到飛唔起...

尋日就同小春上完堂... 就約埋99落黃大仙飲茶啦... 飲完茶... 帶埋兩條小魔怪去咗公園玩... 平時剩係帶小春... 我都有時間坐埋一邊休息吓... 但一帶埋軒軒... 責任心又大d啦... 而且始終軒軒係男仔... 玩嘅時候又高難度動作多d啦... 真係攞命...

 

好彩... 軒軒都幾驚我... 有時喝一句都肯聽嘅... 只係光速唔記得... 又要再鬧過啫... 而小春呢... 一有其他小朋友同佢玩... 佢就即時忘形㗎啦... 即係有時都唔想係咁制止佢哋玩咩玩咩... 想比d空間佢哋自己發揮吓... 但... 真係好難...

到今日啦... 老公突登放個星期日... 想行吓街... 又買吓新年衫咁啦... 又東涌開始... 一路掃落尖沙咀... 哈哈~~ 攰死...

難得小春又陪住我哋行... 當然... 當中有好多不受控場面啦... 尤其去到噴水池... 又溝仔啦... 哈哈~~ 結果未成個仆底咗... 比爸爸鬧囉... 哈哈哈~~~