小春都係唔專心 + Ms Sunshine + 冧冧揼骨

今朝... 阿tun真係好好... d人成日講d工人幾唔好... 阿tun除咗成日話唔做之外... 都真係好好... 今日放假... 10:00重揍小春去學畫畫... 等我可以訓多一陣... 到10:45打電話比我... 叫醒我... 提我記得起身接小春... 冇人叫佢喎... 自發性咁做喎... 你話重唔抵錫... 不過可惜哎... 佢話做到8月唔續約... 唉~~~ e+開始已經勁擔心啦......

去到Phonics堂... 睇咗半堂... 小春明明應承我... 今日會坐定定聽書... 點知都係坐咗上Ms. Silla大肶... 唉... 都冇辦法... 又趕住去睇醫生... 每個星期都剩呢半粒鐘做d嘢... 睇e生都係一個好選擇... 起碼唔洗帶住小春入去... 太多細菌啦...

番到去... 比阿sir捉住傾... 因為小春Level 1時成績真係好好... 點解Level 2冇曬心機呢... 我話因為小春好鍾意睇youtube d phonics song... 但 Level 2開始教 an音... 佢就係咁... 識嗰d好有興趣... 唔識嗰d就冇心機聽... an音都算啦... 重學埋ban... pan... man... 都不特止... 重要認識 a... and... 之後重有句子 a fan and a van... 雖然唔係要佢串... 只係比佢認識吓啫... 但對佢嚟講... 真係一個幾大嘅跳級囉... 唔知點呀... 上住先啦... 佢哋話學到中間... 會有review... 當時我都擔心... 但而家諗諗吓... 唔緊要啦... 反正拼音呢d嘢... 係終生受用... e+識咗唔代表大個都記得... 我會選擇由得佢讀... 識就識... 唔識嘅話... 到佢Level 2完時... 佢自然升唔到班... 如果升唔到... 就由得佢讀多次... 到時佢識與唔識之間... 應該會有心機聽過e+... 重之唔好比佢停... dum懶個心就得啦... 咁樣諗... 大人小朋友都輕鬆d... 反正e+又唔係急住考試... 都係想學樣嘢... 等佢第日讀書串字比較易d啫...

之後去咗麥記食lunch... 由於上次去... 姐姐比咗個Mr. Happy嘅汽球佢... 佢鍾意到乜咁... 但點知當晚出街食飯都要帶埋出去... 而最終漏底咗... 為咗呢件事... 佢好唔開心... 成日都提起... 所以今次... 我同佢講... 你可以問姐姐攞個汽球㗎... 不過一定要小春自己問... 姐姐先會比㗎喎... 之後... 佢一路食... 就住個姐姐... 點知個姐姐鬼咁唔得閒... 又去出門口同外賣司機夾嘢... 行咗幾轉... 小春次次都有出去... 想同姐姐講... 由初初唔敢行埋去... 到太細聲... 姐姐聽唔到... 到佢大大聲講... 姐姐只答佢"等一陣"... 佢冇曬心機咁番嚟... 同我講... 可能姐姐好唔得閒呀... 跟住繼續食嘢... 我留意佢... 雖然佢有無奈... 但佢有接受... 自我調整得好好... 嘻~~

過咗一陣間... 呢個雖然冇乜禮貌... 亦唔見得有愛心嘅姐姐... 終於攞住個Ms. Sunshine嘅波波出現... 而咁岩... 我哋今日都係買咗Ms. Sunshine嘅公仔... 小春即刻勁開心囉...

因為聽日想同小春去消防局... 所以將聽日上嘅鋼琴堂... 改咗今日上... 但見小春其實... 都好似係心散d... 都唔知呢排做咩... 3堂啦... 重成日調轉c音位置... 嘻~ 又心急添... 要成日提自己... 調整自己... 千其唔好心急... 唔好逼佢... relax~~~

今晚... 爸爸番嚟話好攰... 我就幫佢刮咗幾下痧... 識唔識?? 唔識㗎... 不過刮幾吓... 真係會舒服d㗎... 好過冇咁囉... 之後小春唔知係唔係見到呢... 佢又同爸爸揼起上嚟喎... 我見佢兩父囡咁sweet... 就拍底佢囉... 之後比番小春睇... 佢嘅笑點... 竟然係... 當佢自己跌落床之後... 扭扭扭個大屎忽... 哈哈~~