結婚6周年紀念

小春又尿道炎... 發燒... 我又比阿bu同小春交叉交叉又交叉感染... 咳... 鼻水順流倒流... 鼻塞... 重要連續兩晚... 小春半夜發燒... 起身... 餵藥... 氹訓覺... 我得番半條人命... 重要番工嘅情況下... 期待放工... 同我親愛嘅老公... 慶祝結婚6週年紀念... 

真難得... 拍拖10年... 到結婚6年... 雖然有咗兩個小朋友後... 話題總離不開小孩... 但仍然每天... 都能感受到被愛嘅感覺... keep哎... 唔該... 嘻~~ (放陳年老相作紀念)
 

今年... 冇等老公安排... 自己上網search餐廳... 因為老公鍾意据扒... 但自己又唔舒服... 想拿拿聲食完就番屋企休息... 所以就search屋企附近... 會唔會有邊間好嘅扒房呢... 點知... 真係比我發現到... 新蒲崗原來真係有間正嘢... 即時訂位... 今晚同老公去試吓先...

放工後... 即刻碌去睇醫生... 打咗支針先... 之後去食完飯... 唔知點解... 今年老公勁想帶埋小春呢隻電燈膽去... 哈哈~~ 雖然平時成日扮惡... 但心入面其實都不知幾錫個囡... 

 

食完飯... 同小春去公園玩咗陣... 又行咗陣....就番屋企... 

 

 

點知番到屋企就胃痛... 最後重嘔埋添... 超辛苦... 同老公講... 半夜唔該起身同小春探熱... 我支持唔住啦... 

老公... 今晚靠曬你啦~~~