1月1日休息日

尋日... 本來約好沙律同豬豬出旺角行街... 點知同小春訓晏覺訓晏咗... 而且小春又掛住同軒軒玩... 話唔想出街喎... ok啦~~ 咁唔好出囉... 我有問佢㗎... 唔出一陣唔好又話要出呀... 夜媽媽我唔同你出㗎啦... 佢話ok喎... 咁ok囉... 我打比沙律話唔出囉...

攞番細佬bu隻pig pig豬教佢玩吓先... 諗住呢個遊戲... 可以幫佢訓練吓手指仔... 我做咗一次10塊比佢睇... 又捉住佢手仔玩咗一次10塊... 到佢啦..... 真叻仔... 真係識喎... 哈哈~~

到差唔多7:00... 小春話想去搵姨婆喎... 玩嘢喎~~~ 我話唔出呀!! 佢就又喊又跳咁話要出街... 我話係你自己話唔出先嘅... e+黑媽媽我唔去啦... 佢重噪噪噪... 我唯有話... 哎!! 尋日表姨買咗架毛毛遙控車比你... 屋企咁岩冇電芯... 咁不如落7仔行個圈啦... 佢即刻話好... 有冇咁大街癮呀?! 哈哈~~