自足... 珍惜... 報施...

是咁的.... 小春由細到大... 都好鍾意d朱古力蛋蛋入面嘅公仔... 無論係咩公仔... 佢不單儲公仔... 連張介紹圖紙... 佢都要儲嚟睇一大餐... 都不特止... 重要自己上youtube... 睇各色各樣嘅蛋蛋入面嘅公仔... 款色... 咩名... 大細... 有時重要捉住我嚟講一大餐... 好投入... 哈哈~~

但係... 佢成日都咳... 嗰d朱古力又鬼咁甜... 所以... 通常我都唔比佢食曬成隻蛋... 剩咗嗰d... 一係我食咗去... 一係就掉咗佢囉... 久而久之... 佢唔會因為冇得食... 而感到唔捨得... 只係嗱嗱聲比玩具佢就ok喇...

尋晚... 佢話好想要隻Pooh Pooh蛋蛋... 我話...你好似咳咳喎!! 佢話咁... 剩係要公仔囉... 我本來正想攞... 但諗諗吓... 佢好似已經有3隻Kinder... 嘅公仔攞咗出嚟... 而3隻嘅朱古力都未食囉... 咁冇公仔嘅朱古力... 佢又邊到會食哎.............................

我話唔得... 佢當然扭計啦...我即刻就轉而話題... 好彩佢好快冇事啦... 但過一陣佢又問... 過一陣又問... 重大大聲話要掉咗朱古力... 剩係要公仔就得啦... 我問... 點解要掉咗朱古力呢... 佢話因為我病病哎嘛... 我話... 咁未好番先食囉... 佢話好... 但要攞公仔先... 佢唔明點解我唔比佢... 佢亦唔明... 點解唔食朱古力都唔要得公仔....

其實... 我係突然諗起... 小春食飯時... 好多時食到剩一兩啖時... 都會話飽... (越食越少... 有時只食1/4已話飽)... 飲湯又係... 飲剩好多... 咁真係好浪費囉...  e+連朱古力都話要掉的話... 就實在太過份了吧.....

所以... 尋晚臨訓嘅傾計時間... 我就同佢講珍貴食物嘅問題喇... 我話比佢聽... 佢有食物唔珍惜... 知唔知有d地方嘅小朋友係冇嘢食㗎... 佢唔明... 所以我用手機上網... 比咗d相佢睇...

 

睇吓... 佢哋冇飯食... 廋到好似枯顱魔咁啦... (小春之前勁驚枯顱骨... 不過Halloween後... 佢知道係假嘅... 先冇咁驚)... 我話佢知... 呢d唔係Halloween呀... 係真係小朋友嚟㗎... 

睇吓佢哋冇嘢食... 要向街執垃圾食... 又要飲Brown水水... 你覺得污唔污濁呀?! 你會唔會食呀?! 睇得出佢即時好驚... 又覺得d小朋友好可憐... 個樣嗱埋曬咁再問我... 唔食嘢... 會變枯顱魔㗎??

睇吓呢個媽媽都冇嘢食呀... 佢睇到重驚... 我話... 所以我哋有嘢食... 係未好幸福呢... 佢點頭... 咁我哋重可唔可以再浪費食物呢... 小春喊咁聲話... 唔可以... 咁你重要唔要掉咗朱古力呀?? 佢話... 唔好... 我就話... 係呀... 呢d小朋友... 從來都未食過朱古力...........

咁我哋可以點幫佢哋呢... 捐錢都係一個方法嘅... 不過呢d人太多... 又太遠... 小春又咁細個... 重未識... 但你記唔記得... 星期六... 我哋去學畫畫嗰陣... 未有d哥哥姐姐... 攞住個袋袋... 小春入錢錢... 哥哥姐姐就送個Sticker比你呢... 嗰d叫賣旗... 都係籌錢幫助有需要嘅人嘅... 咁你下次見到... 就主動d損錢... 幫吓手啦~~~

自足... 珍惜... 報施... 都未知其實佢係未真係明... 不過... 慢慢嚟啦...

講完d咁沈重嘅話題... 又同佢玩番陣先啦... 然後佢又攞一大堆公仔... 話要陪佢訓喎... 重搵咗巴斯... 話佢自己個鼻鼻係巴斯張床喎... 重咁放住巴斯向到... 唱ABC氹佢訓覺添... 真係做公仔好過做阿媽呀!!!

嘻~~ 今晚睇吓佢食飯乖唔乖先...