又周街鬧你...

岩岩向麥記鬧個職員... 佢收咗阿婆個餐... 婆婆話佢未食完... (可能婆婆行開過)... 點知個職員大大聲... 話我點知啫... 咁你要咩呀... 魚柳包餐呀... 比番你囉... (其間重要拍打d食物盤)... 態度極差... 哎! 周圍竟然冇人幫口都得... 

個職員去攞餐... 我好嬲... 叫小春坐定定等媽媽一陣... 想去鬧佢... 但始終唔放心... 唯有等佢攞餐番嚟先... 婆婆索索吓個鼻... 好似比人恰... 同人乞番個餐咁... 越睇我就越火滾...

到佢番嚟即問佢叫咩名... 咩態度呀... 咁大聲蝦阿婆... 哈~ 佢竟然話sorry囉... 囉喎... 佢都未死過... 我點會放過佢哎... 繼續鬧9佢囉... 佢同阿婆話自己唔知... 我即刻駁... 唔知你咁大聲... 真係忍得好辛苦冇講粗口... 嘻！

小春走嚟睇我... 完全冇驚... (可能已經慣咗)... 我就叫佢快d氹番婆婆啦... 婆婆唔開心呀... 

最後... 婆婆竟然只食曬薯條&飲品... 拎住魚柳包嚟同我講多謝... 哈！我更係冇要啦... 我自己d都食唔曬...