有鼓勵, 更係希望做得更好啦！

我個人就真係幾古怪，耐唔見一個人~~我就會突然好掛好掛住佢(就算唔係好熟都會)，有時重會即係打電話比d人，同佢哋講我好掛住佢添！不過到真係打到去，講完掛住之後，

就冇嘢講啦！哈哈！如果嗰個係我d Best fd，例如MC我重會覺得有d內疚添！

 

曾經...我又有為咗劉德華同黎明，內心爭扎得好厲害過！話說當年黎明岩岩出道，做咗套天涯歌女(女主角係陳松齡) 嘩！靚仔到呢！

對眼電死人咩！但係當時嘅我係超級華仔迷(e+都好鍾意)，點算呢？如果我鍾意黎明，會好對唔住華仔嗰喎！點算呢？貪新忘舊！我睇唔起你！爭扎爭扎吓！我終於做咗一個決定啦！

黎明正衰人嚟o家！佢唔出見就唔會搞到我有異心啦！自始之後我就唔鍾意黎明啦！(e+咁大個人喇！更係冇再咁諗啦！)

 

講咗咁耐！究竟想講咩呢？~~

 

哈哈！其實係想話，自從開咗facebook之後，我發覺自己冷落咗個blog呀！雖然平時都唔係咁勤力寫！但係始終硬係覺得係自己分咗心, 真係唔岩喇！哈哈！重要嗰日向facebook有個女仔add我，話鍾意睇我個blog添！

哈哈！咁我真係愧對我d讀者啦！哈哈哈！以後記住要多d番嚟寫吓嘢先得啦！