渡蜜月第三天~松島-仙台

今日真係好開心好開心呀! 尤其係今朝一早, 我哋坐遊覽船去民宿到食新鮮生蠔, 一上船就個個買曬d卡樂B蝦條, 走出船頭餵海鷗, 嘩! d海鷗真係好癲咁勁飛埋嚟食, 基本上你一舉起條蝦條, 佢就即係食咗囉! 我哋又醒唔起個相機係可以有連環拍攝功能, 又醒唔起可以拍video囉, 結果為咗拍攝到d海鷗食條蝦條, 唯有好似傻佬傻婆咁, 係咁對住個鏡頭笑, 但係隻手就係咁攞蝦條同舉手囉! 哈哈哈! 其實初時都有d驚o家! 重比海鷗咬咗啖, 不過唔痛o家! 好似比狗仔咬咁! 但係後未帶埋手襪就唔驚啦! 真係笑死我呀!

去到民宿喇, 間屋雖然就唔係好新, 但係都幾大嗰喎! 到食蠔嘅環節喇! 嘩! d蠔真係好新鮮, 好好味呀! 我重同個婆婆影相添呀! 唔講唔知呀! 睇吓下面張相, 呢架船竟然係呢個婆婆o家! 賣蠔賣到咁發, 真係勁呀!

之後, 下午就去咗行d寺廟咁啦! 夜晚入咗古木溫泉酒店, 嘩! 呢到個溫泉好靚o家! 佢有個仿十禾田嘅瀑布向到, 咁你一路浸就一路欣賞個瀑布, 好feel到呢! 不過又係可惜冇落雪囉! 今日明明下午都有少少雪, 但係點解哎, 但係e+冇哎! 太太太失望啦!

呀~重要同大家介紹一吓我今晚著浴衣嘅造型呀! 就係孖辮妹啦!