要忙住準備去旅行啦!

尋日, 一早起身就趕住去還衫啦! 沙律好好呀, 因為我有條鏈整爛咗, 佢驚我比人屈, 所以特登陪我去還衫, 而Koby亦都幫我拎番個衣架出嚟! 真係好喇! 結果$200搞掂咗, 算啦!

下午番到屋企, 拾吓嘢, 數吓人情, 跟住去銀行入數, 順便開埋個保險箱, 之後就出咗旺角行爬山鋪, Jofee話我d褸唔夠暖喎! 豬豬, 奧云, 沙律又出埋嚟陪我哋, 結果又買找毛褸, 又買滑雪褲, 雪褸, 滑雪手套, 幾大陣象呀! 哈哈! 夜d重搵埋Matthew一齊出正東食飯添!

今日, 由於林林話要送部相機比我哋做結婚禮物, 所以Jofee一早就話要去睇相機, 買完相機就番咗外家食飯啦! 因為Jofee話我哋去咁多日旅行, 咁旅行前更係要陪我媽咪食餐飯啦! 我好開心佢咁講, 因為咁正明佢唔止錫我, 重真係會尊重我嘅屋企人! 食完飯林林比買相機嘅錢我哋, 明明部相機只係2千幾蚊, 點知佢係都要比$3,880我, 話好意頭喎! 傻仔! 咁我未收住囉! 佢真係幾錫我嘅!

之後落咗沙律到, 佢今日都真係好好, 特登幫我去中環唱錢, 今次結婚真係令我睇清邊d人真係錫我, 同有幾幫我! 我真係好感動呀!

e+都唔講咁多啦, 因為我要拾行李啦! 聽日7:00am要去到機埸呀!