渡蜜月第一天~東京

今朝一早就出發去機場啦! 一去到見到d團友個個老過老虎, 唉! 點算好呢? 好彩原來都有3對後生夫婦, 而且重有兩對同我哋一樣係新婚嘅添! 拿拿聲更係mark番d後生仔一齊啦! 點解?? 哈哈! 我諗過邊有死錯人家! 平時嘅我如果真係join團嘅, 邊會同d團友傾計o家! 不過今次有成3晚要浸溫泉喎, 如果我早落去, 見到d唔熟嘅團友又鑑介, 夜落去冇人向到, 我一個人又驚, 所以都係搵番d人陪吓好d! 雖然今晚向東京都未有溫泉浸, 不過都要部署吓先嘅!

今日一黎到東京, 又冇著好多衫, d衫又向曬個gip到, 都有少少凍o家! 不過都好彩向室內多d, 佢哋室內又有暖氣所以都唔會好凍啫! 第一站我哋去咗豐田睇車展, 對於志雄嚟講, 我就覺得岩曬佢喇, 因為佢都係有少少職業病o家啦! 不過唔知佢會唔會覺得又係睇車好悶呢! 但係我見佢係咁同d新款車影相, 我諗都唔會o家啦! 哈哈!

之後, 我哋去咗對面個shopping mall行街, 佢哋都幾得意o家, 個商場低層冇啦啦有幾張賭枱, 有d人向到賭輪盤同百家樂, 真係幾難明! 哈哈! 行完之後就去食晚飯啦! 由於日本時間比香港快一粒鐘, 而且佢哋4:30個天就開始黑, 所以感覺d時間好似好快過咁!

晚餐係食天婦羅, 其實我就真係對d煎炸嘢麻麻哋, 不過咩都試吓嘛! 好食就唔講得o家啦! ok啦! 個樣又幾靚!

食完晚飯, 終於番酒店啦! 不過一放底行李, 我哋就即刻落街夜遊新宿啦! 好想試吓向街邊食拉麵同d小食呀! 但係導遊話e+好少街邊拉麵, 同埋佢哋都唔招呼外哋人喎! 真係有d失望呀! 點知當我哋行完歌舞妓丁之後, 見到有檔燒墨魚丸喎! 嗱嗱聲更係走去買番盒 + 影相啦! 嘩! 好食過香港嗰d好多, 你哋睇吓我食得幾知味! 哈哈!

行行吓, 越行越凍, 都係番酒店+番件褸先, 再落黎就去行藥房喇, 重幫Emily買咗藥啦! 幫沙律買咗綿條啦! 買咗d護膚品比媽咪啦! 再又行行行, 突然間, 志雄話“你睇吓!”竟然比我哋遇到街邊拉麵呀! 佢岩岩向到開緊檔, 我哋即刻衝埋去, 問佢係唔係食拉麵o家! 佢又肯招呼我哋喎! 可能係唔招呼都唔得啦! 因為都唔係我溝通到! 向呢個時候, 有2個應該係飲醉酒嘅日本佬, 同1個女人走埋嚟, 想坐向檔口嘅正面位置喎! 咁我企咗向到o家嘛! 食車仔拉麵更係要坐呢個位先正o家啦! 所以我更係唔比佢逼埋嚟啦! 結果佢唯有坐咗我哋隔離啦! 跟住佢就係咁同我講嘢, 我又唔識聽, 又唔敢野佢, 你哋知啦睇日劇d日本佬飲大咗打女人o家嘛! 我未唔采佢囉! 嘩! d麵終於嚟啦! 真係好好味呀!

食完飽飽, d鋪頭都收曬啦! 咁我哋就番酒店啦!

100yen上網10分鐘, 都真係幾貴, 但係都好過冇哎! sent個email比沙律先!