聽日就結婚啦!

今日一早, 志雄就黎接我同媽咪去攞衫, 去到第一間發現我條紅色裙短得滯, 即刻就換過一條, 好在Matthew未諗到呢條裙嘅頭飾咋! 結果選咗一條紫色嘅都好靚o家!

之後又去咗另一間, 嘩! 今次試好似重靚呀! 哈哈! 跟住又攞花又剩, 番到屋企都成10點幾啦! 飯都未食呀陰公!

頭先重發生咗樣好好笑嘅事, 就係幫我上頭個朱姥姥, 將我1點上頭嘅時間記錯咗做12點, 但係到到11點幾都未有人去接佢, 佢就以為唔洗佢幫手啦, 到我細佬12點打比佢嗰陣, 佢竟然話岩岩食咗安眠藥喎! 哈哈哈! 咁都得! 結果...同我上頭嘅時候.....眼訓到企都企唔定, 幾搞笑呀!

e+嘅心情呢...都唔知點形容! 係期待哎, 係唔捨得哎, 係有d怕唔適應啦...真係唔識講!希望我同志雄真係夾得嚟啦! 話曬我同佢又未一齊住過, 真係有d驚...

我一定要幸福呀~~~~~