媽咪終於都番嚟啦！有d唔慣添，你哋知啦！媽咪唔向到嗰陣冇皇管，鍾意點都得，夜訓又得，bebe又得，乜都得！e+終於打回原型啦！但係見到媽咪又好開心喎！尤其係收到手信嗰陣啦！哈哈！媽咪話佢上完玉龍雪山之後唔舒服，都冇乜心機買嘢，所以只係買咗唔係好多嘢番嚟，不過樣樣我都好鍾意喎！佢買咗粒銀鏈咀比我，都幾靚o家！另外重有一條天珠手繩，同埋我勁鍾意嘅雲南火腿比我！哈哈！我即刻向雪櫃攞罐啤酒出嚟，就係咁食啦！正到爆！呵呵呵！
最搞笑係睇佢哋影番嚟d相，有幾張係佢哋著住d民族服擺埋d難頂Pose，重要個個d腰包都著埋向入面又唔理喎，搞到個個肥到呢，哈哈哈！真係好醜樣呀！我笑到傻咗添呀！
唔怪得你個日話睇微笑pasta 睇到5點啦...傻婆.... 就咁食雲南火腿好食架咩...我未試過....我最鍾意個雲南火腿煮娃娃菜...勁正.... 我阿爸阿媽上次去雲南都係影左好多嘔心相返黎..佢地以為自己拍古裝劇咁....擺哂pose...嚇死人....
回覆刪除
回覆刪除Mei ~~ 哈哈哈！真係好搞笑！話說我媽咪車衫好叻o家，佢後生嗰陣都有前科o家啦！佢試過車咗套古裝，跟住自己搵d珠珠串d頭飾嚟影相，不過話時話，我阿媽後生都幾靚o家，我覺得佢靚過陳寶珠添呀！