尋晚同沙律去睇林狗, 之前佢d talk show睇now睇碟睇得多, 現埸睇真係第一次! 有得睇緊係好開心啦! 因為其實我細細個都係軟硬fans嚟o家! 即係會追聽老人院嗰種呢! 哈哈!! 透露咗年齡嘅秘密添!! 呵呵呵!!! 哎!! 不過講起有得睇就要讚吓我個好表妹豬豬喇! 事關之前Matthew只係攞到兩張飛, 沙律本來諗住同豬豬去睇嘅, 點知... 佢竟然話唔好啦! 表姐好似鍾意睇d, 你同佢睇啦! 咁我先有得睇咋!!
講番個show啦!! 我覺得林狗嘅show娛樂性好豐富, 例如嗰個迷你版反轉舞台啦!! 勁鍾意囉!! 佢又走嚟走去跳跳訓訓咁, 又放曬3個大screen向台到, 打曬歌詞唱改詞歌咁! 都係好好笑嘅! 不過笑完都唔記得曬d歌詞喇!! 反而真係到位嘅就好似唔係好多咁!! 例如jip太太啦! 爛gag皇對吹水精啦! 女人出街前係咁話行得啦! remote control啦之類, 不過都足以笑到我痴根!! 最衰就係阿葛無啦啦爆血管入咗醫院囉! 搞到高山青山冇咗件喇!! 真係有d失望呀~~
但係大家都知我係個黃子華迷!
佢次次開show我都睇!! 如果兩個talk show作比較的話, 我都係鍾意黃子華多d! 因為佢嗰種唔同, 佢企向到講, 坐向到講, 最多跪向到講, 好似好casual咁! 但係就係中囉!! 中在唔止好笑, 重可以攞番出嚟講, 重可以用嚟笑人添!!
所以, 呢個過氣潮流教父都要比d心機upgrade吓自己啦!!
不過無論點都好啦!! 都帶咗個好歡樂嘅晚上比我!!
沒有留言:
張貼留言