今日勁忙.... 節目多籮籮.... 哈哈~~ 難為小春就陪我呢到去嗰到去, 係咁比人玩!!
首先就約咗雞丁姐姐食拉麵, 出門口前..... 同小春換衫, 上咩帶..... 我又明知小春肚餓家啦, 諗住帶定支奶, 等上車先比佢食, 點知.... 臨出門口先發現..... 未同佢換片囉!! 唉~~ 又要由頭嚟過!! 佢就喊到癲咗~~~ 重係咁"mom mom" "mom mom"咁添!! 吓!! 真識定假識家?! 究竟係要食"mom mom" 定叫"mam mam"先?? 姑勿論係點.... 我肯定上個星期, 佢係未識發個"m"音嗰囉!! 同埋.... 無論佢係叫咩..... 都一定係向到鬧緊我唔比奶佢飲囉!! 呀~~ 好啦好啦!! 唯有比佢飲埋奶先囉!!
約人1點.... 出到去已經係1:25啦!! 不過雞丁姐姐並冇嬲..... 因為佢已經冇時間嬲啦!! 佢一見到小春, 傻咗囉!! 愛到不得之了呀!! 哈哈~~ 重送咗頂帽比佢添!!
之後...... 2點..... 係2點..... 我就要走啦!! 哈哈~~ 因為約咗沙律去咗做針灸嘛!! 上到去.... 何醫師見到小春又係癲咗, 玩到小春架架聲都不特止, 我哋訓底曬, 佢都重向到玩緊, 唔捨得放手, 每針完一個人, 又走去同佢玩一陣, 勁好笑!! 佢重教我要得閒就幫小春"初"吓個背, 話唔知咩任脈定督脈..... 總之就係好多穴位向個背到, 成日"初"病痛都會少d喎!! 咁又唔洗錢嘅, 各位媽咪.... 得閒就幫bb"初吓囉!!
跟住, 就同沙律&豬豬去咗Apple Green食Brunch http://hk.myblog.yahoo.com/sugarpinkpanther/article?new=1&mid=3147, 豬豬表姨一見到訓著咗嘅小春, 又想即刻整醒佢啦, 嘻嘻~ 當然比我制止咗啦!! 不過小春都好快就醒咗啦, 因為要飲奶嘛!! 飲完奶.... 未可以同表姨玩囉!! 表姨真係好鍚小春家, 就尋日之嘛.... 就買咗兩包尿片比小春喇!!
話時話.... 小春真係大得勁快, 都未曾4個月, 就要換中碼片啦!! 點算呀大b做咁?! 重要d尿片重貴好多添喎!!
食完Brunch之後, 我同小春番咗去Phillip Wain, 好多舊同事都走出嚟玩佢, 哈哈~~ 個個都話佢勁得意, 更係啦.... 佢又唔怕生, 咩人都玩一餐!! 就連d客見到佢都笑曬口添呀!! 嘻嘻~~ 佢重竟然十八喇, 都重收到利事添!! 真係威水呀~~
到番到沙律屋企, 小春同沙律玩咗一陣, 就係咁訓係咁訓啦!! 訓到咁上下.... 有d喊聲... 再過一陣.... 豬豬個fd走出嚟..... 話豬豬求救喎!! 豬豬話唔知小春做咩, 訓訓吓喊.... 抱吓佢啦!! 但係一放低就喊, 一放低又喊..... 豬豬話佢想去toliet唔知點算!! 哈哈~~ 都話豬豬鍚bb家啦!! 原來佢向房一路抱住bb喎!!
諗諗吓..... 仆街啦!! 唔怪得之小春咁啦!! 原來呢個媽咪..... 唔記得咗餵bb呀!! 成4個鐘頭3個字啦~~ 想餓壞我哋bb咩!! 小春就係有呢樣好, 除咗食.... 其實佢真係好少喊, 就算真係因為食而喊, 只要你肯抱吓佢, 佢就可以收聲添!! 所以基本上佢喊, 係好容易大概估到佢咩事!! 佢又再次"mom mom"叫啦!! 我叫佢哋估吓.... 佢係未真係識呢?! 結果志雄話... 佢只係識發"m"音啫!! 
經過一日辛勞嘅小春, 又繼續訓啦!! 一路訓到番到屋企......
番到屋企, 幫小春抺吓塊面面先, 唉~~ 發現佢下巴又爆曬擦啦!! 幫佢塗藥膏嗰陣, 佢又發我脾氣, 又鬧人喎!! 激死我啦, 未打咗佢幾嘢囉!! 雖然細細力啫, 但佢好似真係識咁, 勁喊抗議喎!!
哈哈~~ 志雄即刻走埋嚟話..... 你打佢.... 佢都唔識家啦!! 唉~~ 我夠知啦!! 但係真係好嬲嘛!! 佢成日食手食到周下巴都係口水.... 衫領又係口水.... 咁未成日yip住個下巴囉!! 唉~~ 算啦!! 唯有勤d幫佢換口水肩囉!!
又啜又啜~~
沒有留言:
張貼留言