D學生又開學啦！

今朝，我照常都係好嗰個時間出門口，都係搭番尋日嗰班車之嘛！入隧道前係9:06，心諗出咗隧道轉的士，9:30一定番到公司啦！點知出到去嘅時間，竟然係9:35，落到車重冇的士添！呢個時候，我男朋友就打嚟喇！ee...你重未番到公司咩！講講吓先知，原來今日開學呀！怪唔得知啦！

出咗嚟做嘢之後，總係好憎d學生番學o家！冇他嘅，因為塞車囉！照計應該唔關事o家，嗰d時間d學生都番曬學啦！就係唔知點解會塞車，諗極都諗唔明可能係多咗父母送仔女番學，所以多咗私家車呱！唉！是旦啦！重之就“塞”啦！

雖然好憎佢哋番學，但係又好羨慕佢哋，我都好想讀書呀！係full-time讀嗰隻喎，諗起都呀！如果唔洗考試就重正！哈哈！可惜哎！我諗都好難啦！

不過咁...我都係時侯搵d嘢讀吓啦！記得年頭嗰陣，話過今年一定要搵d嘢讀，家吓都成9月啦！要快d快d先得啦！已經成日比恆仔笑我話讀話讀，得個講字o家啦！

講起恆仔，佢已經唔向我公司做啦，真係有d唔慣！佢個傻仔有時都幾得意嘅，所以我都幾鍚佢o家希望可以keep contact啦！