一個字“痛”

星期六，Hedy陪咗我去整個環！其實整嗰時都幾痛，不過都係可以接受嘅痛囉！之後我哋就諗住搵間嘢食Tea啦！呢個時候，突然間勁痛，勁痛，痛到想向街！去到Holiday Inn坐低咗，Hedy就一路服侍我啦，幫我攞嘢食啦！但係我痛到乜Q mood都冇曬囉！邊到得嚟咁痛o家！之後坐咗一陣，又食多兩粒止痛藥之後就冇事啦！點知食完嘢，Hedy男友嚟接咗佢走之後，一個人流落街頭嘅我，又開始覺得隱隱作痛喇！幾經辛苦去到志雄屋企，諗起原來重有d工事都未做完，又做起上嚟喇！好彩，全晚都只係淹淹痛啫！

星期日，一起身冇事喎，一d事都冇！沙律就打嚟約我去剪頭髮啦！點知我一上到Van仔，就開始喇！痛痛痛，好似重痛過之前嗰日添呀！我又冇水喎，都冇辦法，唯有就咁生吞粒止痛藥啦！好成功，粒藥一d都冇頂住個喉嚨，但係一d藥力都冇發揮過，依然係痛到爆炸！哈哈！心諗終於落車啦！一落車，我嘆咗啖氣，ee....成啖藥粉，係咁就噴咗出嚟！嘩！好彩冇人見到咋，我個口合都合唔切呀！哈哈！上到Matthew到，又食咗兩粒止痛藥，頭未食咗5粒止痛藥啦！終於都止到痛啦！

星期一，番到公司有d痛，加上拗底呢，終於我都請咗下午假去睇醫生！醫生話我冇乜嘢喎！尤得佢痛，痛多兩日就冇事o家啦！咁我就定曬啦！即刻好好多添啦！哈哈！嗰日重係志雄放假，佢陪完我睇醫生之後，就番咗佢屋企煲碟喇！我重睇埋深情密碼&東方茱麗葉嘅大結果添！哈哈！