一個字“痛”

星期六，Hedy陪咗我去整個環！其實整嗰時都幾痛，不過都係可以接受嘅痛囉！之後我哋就諗住搵間嘢食Tea啦！呢個時候，突然間勁痛，勁痛，痛到想向街！去到Holiday Inn坐低咗，Hedy就一路服侍我啦，幫我攞嘢食啦！但係我痛到乜Q mood都冇曬囉！邊到得嚟咁痛o家！之後坐咗一陣，又食多兩粒止痛藥之後就冇事啦！點知食完嘢，Hedy男友嚟接咗佢走之後，一個人流落街頭嘅我，又開始覺得隱隱作痛喇！幾經辛苦去到志雄屋企，諗起原來重有d工事都未做完，又做起上嚟喇！好彩，全晚都只係淹淹痛啫！

星期日，一起身冇事喎，一d事都冇！沙律就打嚟約我去剪頭髮啦！點知我一上到Van仔，就開始喇！痛痛痛，好似重痛過之前嗰日添呀！我又冇水喎，都冇辦法，唯有就咁生吞粒止痛藥啦！好成功，粒藥一d都冇頂住個喉嚨，但係一d藥力都冇發揮過，依然係痛到爆炸！哈哈！心諗終於落車啦！一落車，我嘆咗啖氣，ee....成啖藥粉，係咁就噴咗出嚟！嘩！好彩冇人見到咋，我個口合都合唔切呀！哈哈！上到Matthew到，又食咗兩粒止痛藥，頭未食咗5粒止痛藥啦！終於都止到痛啦！

星期一，番到公司有d痛，加上拗底呢，終於我都請咗下午假去睇醫生！醫生話我冇乜嘢喎！尤得佢痛，痛多兩日就冇事o家啦！咁我就定曬啦！即刻好好多添啦！哈哈！嗰日重係志雄放假，佢陪完我睇醫生之後，就番咗佢屋企煲碟喇！我重睇埋深情密碼&東方茱麗葉嘅大結果添！哈哈！

 

 

Keep到喎！

尋日Lunch約咗好耐冇見嘅超級大馬主Terence，成年幾耐見，起初都有d驚驚哋唔g講咩好，但係OK喎，又聽到喎！

更係啦！佢條懶飲精，一講起飲酒，條眉都即刻好似生高咗，重彈吓彈吓咁呀！哈哈哈！不過其實大家都不得不承認，酒量真係會隨年齡下降！始終老咗，少玩咗，少飲咗，心態都唔同咗啦！

請大家唔好野我！

今朝一起身，發現流量嚇死人！

 

好趕好趕，終於都係趕唔到班車，望吓個電話，ee...恆仔打過嚟喎，覆噃佢先！佢問我星期六去唔去BBQ(其實佢一個星期前已經問我o家啦，不過我未覆實佢)，我話唔去啦！跟住佢就係咁問點解啦，其實唔去未唔去囉，點咩解啫！我諗佢更係諗住我星期六要交人，所以佢就話你可以帶埋男友嚟喎！我話唔啦，我有嘢做呀！跟住佢就更係乍型啦，係咁疲係咁疲！話咩咁e+即係你男友緊要過我啦！我即刻話，更係啦！唔洗講啦吓嘩！你係咪傻咗呀！問埋d咁嘅嘢，係未晨早流流想比人(小)呀！之後重疲疲疲！到最後佢重要話，唉！咁算啦！你以後唔洗搵我啦(我知呢句只係悔氣說話，唔係真嘅)！當時我都開始燥燥地，就答佢，係咁啦！咁就收咗線喇！

 

係未傻o家！大家以後盡量唔好再疲我啦(尤其係朝早)！其實真係唔想再同任何人鬧交啦！唔好再野我啦！又要嘈，又要唔高興，又要冇fd做！！橫掂係咁，不如第日唔想做fd嘅，自己彈開啦！都費事同你哋嘈呀！幾時鍾意先番埋嚟，重唔洗傷感情添！唉！一於係咁話啦！

今次又遲咗10日~

唉！終於都嚟啦！今次又遲咗成10日！咁搞法，一個月扣一日，我係咪要再等9個月先正常番呀！

唉！好痛！冇心機講！

狂燥症

我發覺呢排我脾氣好似大咗好多咁尤其向公司，前幾日嗰個攞份報紙去吹，嗰條羚羊同我講，問我係未燥底，一日執咗佢三擠！我話唔係吓化，可能係見到你個諗樣(佢成日擺個諗緊嘢個樣出嚟，難悕虛個d呢)特別忟憎啫！

好似今朝咁哎，我又緊唔住鬧佢啦！話說大秘書搵極都搵唔到羚羊，咁我就幫手打佢手提，諗住話過佢知啦！打唔通，算啦！咁跟住佢番嚟，我未諗住話佢聽囉！點知我開咗口但都未發到第一粒音，佢已經話“得得得，我知我知！Pauline 搵哎嘛......”咁講住就一路行咗去喇！我坐向到，越諗越嬲！到佢一出嚟，我未一輪咀咁話佢囉“你呀！吓次同我講嘢唔好再同我得得得呀！咩都你知你知，做咩呀？而家唔比我講嘢呀！就算你知...聽我講多次又何妨呀！好黑人憎你又知唔知呀？我唔想再聽到囉，你唔好要我討厭你呀！”

諗番呢幾日，我真係鬧咗好多同事，連GM都比我話埋添呀，哈！邊有咁惡o家！唔通真係燥底？

 

都唔知咩爛鬼天文台~~癡線！

今朝真係搞笑！低能到爆！

話說我亞媽前一排好叻咁搵一把爛咗嘅遮，整咗一個放大遮嘅遮套比我。咁今朝一早見到我細佬出門口，我亞媽就叫住佢，比咗把遮佢，話出面好大雨喎！當我細佬走嗰一下，比我見到佢拎住咗我把大遮，我就問媽咪點解比我把遮佢啦！佢話唔記得咗把遮係我個喎，跟住就搵咗好多把大遮比我，我更係鬥氣啦！全部都唔肯用，只係帶把縮骨遮囉！激死我呀！

一落到街，見到咁咁咁大雨，已經心知不妙啦！唔提啦，出去啦！其實今日已經係遲咗出門口o家啦，重要咁大雨搭巴士肯定遲好多，所以我一定要搭的士先得！望吓的士站，嘩！有成五六個學生等緊車！咁點呢？都要等o家啦！當我行到去的士站嘅時候，我前面已經係濕透咗，連頭髮由膊頭開始至髮尾都濕埋！企咗一陣，監生咁比雨淋，連後面都濕曬啦，底褲都濕埋！

等咗大概十分鐘，係十分鐘呀！終於有架車經過(唔係的士站嗰邊)，我二話不說，飛奔過去，終於都上到車啦！上到車，條四個骨褲d水，係咁滴呀滴，重越坐越凍添！我同司機講，司機可唔可以熄細d冷氣呀點知個司機話，我今朝都濕曬，岩岩先乾咋！我都好凍呀，但係個冷氣已經熄到最細啦！再細就要熄咗去，但係出面咁大雨，熄咗去會起霧氣，睇唔到路o家！唉！咁冇辦法啦！當然重要塞車，冷得我滕滕震~~

番到公司叫個OS廢柴去幫我班個風筒番黎，佢話管理處未開喎！唉！未開未問管理員囉！佢竟然就由得我凍，凍凍凍~~~凍到9:00先落去借！好啦！點知我都未吹到一陣間，佢竟然問我借風筒吹老板份報紙喎！哈！佢真係搞笑到爆呀！吹吹吹~~~前吹後吹，吹到差唔到十點先吹乾曬！大家嚟諗吓啦！八點凍到十點囉！唔病都有之呀！

邊有咁大雨o家！天文台搞乜鬼o家！太過份啦！咁都唔掛黑雨，唉！好啦好喇！唔掛黑雨都算喇，都掛紅雨等d小朋友唔洗番學哎！重話唔會掛3號風球添，點知未又係掛，重掛埋紅雨添！d番咗學嘅小朋友又要搵人接番走，天文台知唔知咁好危險o家！太太太過份呀！

一事冇成的一天

話說前日搭的士番工嘅時候，聽到收音機呼籲，話香港失明人士協會，唔夠人賣旗，原來政府規定，每次申請賣旗嘅單位，一定要籌得某個數目，如果唔係下年就唔可以再申請o家啦！咁e+唔夠人，就一定籌唔夠數囉，所以就呼籲有冇熱心人士幫吓手喇！聽完之後，第一時間就抄底個電話號碼，諗住了下身邊有冇人去啦，搵咗兩日，唉！世態炎涼呀！竟然個個都耍手擰頭囉！

咁大家知啦，前晚Matthew個Birthday Party過後，尋日又早起身番工，個人已經係根疲力盡啦！放工重約咗統一之鐵腳出嚟食飯唱K，之後再去咗恆仔個fd嘅Birthday Party，Woo~~~飲到我呢！番到屋企，同媽咪傾咗陣，佢應承陪我去賣旗，咁就訓覺喇！

今朝起身，已經係9:45喇，人哋係9:30要去到攞旗袋o家囉！唉！我問媽咪點解唔叫我起身，佢當然又係嗰句啦~~叫唔醒喎~~唉！咁冇法啦！唯有繼續訓啦訓到差唔多三點起身，打比大頭，問係唔係要陪阿宛去睇婚紗相呀，佢話大概5:00去，唉！點知起到身搞掂已經成4:30喇，唉！都係趕唔切o家啦！唯有又打比人話去唔到囉，費事阻到人哎嘛！

重之成日就咩都做唔成啦！真失敗！

簡直活生生咁把我來氣死！來氣死呀！

尋日朝真係黑到呢！

首先就已經遲咗起身啦，見到媽咪向厨房，幫我細佬整緊飯盒！ee...點解冇問我帶唔帶飯嘅！算數！好喇，佢整完個飯盒出到嚟，就開始問我個相機駁落電視機睇相嗰條線向邊呀！我冇理佢，因為我都唔會用嗰條線嘅，睇相向電腦睇未得囉！佢就開始話我好用完d嘢唔拾喇！哎呀！老世，我冇用過喎！咁佢就話，明明放向個袋到，更係你攞差電機嗰陣整唔見啦！唉！係咁嘈，係咁嘈！我就發脾氣喇，我已經遲咗起身，好趕時間呀！重嘈！咁佢就話我好夜晚唔訓，朝早唔起身嗰d好行嗰d嘢啦！咁我話你咁早醒咗唔叫我起身，佢話叫咗喎！我話如果你有心叫醒一個人點會叫唔醒哎！火燭叫我唔醒，你係未尤得我燒死哎！真係勞氣呀！

好啦！出門口前，我問媽咪借咗張提款卡(由於我張提款卡搞咗一個月都未攞到個password，一路都攞唔到錢，所以經常O蚊)，咁諗住落街攞錢搭的士啦！點知...張卡食埋，激死我啦！唯有照上的士，差唔多到先叫同事落嚟，幫我比錢囉！嘩！塞車塞到呢！重要落雨添！唉，重之就灰啦！

好在公司冇皇管，我嘆咗成日，準時收工，跟住重去咗Matthew個Birthday Party，好開心喎！

好搞笑，真係好搞笑！

睇咗深情密碼咁耐，就鬧足咁耐！

嗰個仔仔頭髮又金，眉又黑，面又白，重要成日拿埋個樣都唔知想點，話佢重有三個月命喎！但係做嚟 做去都重係有三個月命囉！究竟幾時死嘅啫，死唔死嘅啫！真係睇到人忟Q憎呀！

嗰個連生，唉！佢條眉呀，粗到呢！重成日好似慢動作重溫咁，浪費曬d時間！你知啦，一同先做嗰一個鐘，好緊張o家嘛，就係比佢拖慢曬d進度啦！

嗰個咁嘅許志安就更加唔好講啦！簡直係精神折磨呀！我係個女主角呀，走咗九年啦！噪噪噪！癲狗咁！本來已經唔係咁鍾意佢o家啦，e+直頭係憎呀！

～～～～～～～～～～～～～～～～～～～～～～～～～～～～～～～～～～～～～～～～

不過...尋晚睇嗰集就唔同喇！因為亞Yellow個肥婆家姐實在係太太太搞笑啦！

HO HE HO！Good Morning！Good Morning呀！總經理～～

Come On！Everybody come on！一齊扭腰，扭腰！總經理～～一齊扭腰！

按幸福的門鐘～～～叮噹！叮噹！

嘩哈哈！超搞笑囉！搞到我訓到落床，自己都向到勁笑呀！哈哈哈！

 

 

D學生又開學啦！

今朝，我照常都係好嗰個時間出門口，都係搭番尋日嗰班車之嘛！入隧道前係9:06，心諗出咗隧道轉的士，9:30一定番到公司啦！點知出到去嘅時間，竟然係9:35，落到車重冇的士添！呢個時候，我男朋友就打嚟喇！ee...你重未番到公司咩！講講吓先知，原來今日開學呀！怪唔得知啦！

出咗嚟做嘢之後，總係好憎d學生番學o家！冇他嘅，因為塞車囉！照計應該唔關事o家，嗰d時間d學生都番曬學啦！就係唔知點解會塞車，諗極都諗唔明可能係多咗父母送仔女番學，所以多咗私家車呱！唉！是旦啦！重之就“塞”啦！

雖然好憎佢哋番學，但係又好羨慕佢哋，我都好想讀書呀！係full-time讀嗰隻喎，諗起都呀！如果唔洗考試就重正！哈哈！可惜哎！我諗都好難啦！

不過咁...我都係時侯搵d嘢讀吓啦！記得年頭嗰陣，話過今年一定要搵d嘢讀，家吓都成9月啦！要快d快d先得啦！已經成日比恆仔笑我話讀話讀，得個講字o家啦！

講起恆仔，佢已經唔向我公司做啦，真係有d唔慣！佢個傻仔有時都幾得意嘅，所以我都幾鍚佢o家希望可以keep contact啦！