上次講過做特賣嗰陣, 撈家有上過嚟! 可惜我又冇同佢影相! 點知... 尋晚臨收工, 佢單拖上咗嚟, 問話TVB嗰邊應該有人幫佢留多咗件皮褸! 吓! 冇人知喎! 正向我同佢傾緊時, Angie走出嚟問咩事! 咁我就幫佢打比阿新check啦! 阿新話可以問Simon, 咁我就叫佢等一等喇! 事關Simon去咗交收! 向呢個時侯, Angie就同佢傾起計上嚟喇! 話咩佢套新劇好好睇呀! 拍劇辛唔辛苦呀! 羅家良問ok喎! 呢套又比想像中順利好多! 我見佢哋咁吹得, 即刻搭嗲啦! 我問佢你未簽番無線呀, 哎! 佢又肯答喎, 話我同無線無約o家! 不過11月會番去拍多套劇! 我就同佢講... 係呀! 嘩! 你知唔知我餓咗你好耐啦! 跟住大家嘩哈哈!
Angie行開之後, 佢問我ee... 呢到都幾靜嗰喎! 我話係呀, 唔做特賣時都幾靜o家! 佢話咁你悶唔悶呀?! 我話ok啦! 跟住就佢有佢玩電話, 我有我向msn到勁叫Niki同Trisha嗱嗱聲出嚟幫我同佢影相啦!! 哈哈!! 但係到佢哋出得嚟, 佢已經過咗倉啦!! 我哋就一齊過倉影相, 佢嗰時試緊皮褸, 我就用手機同佢影, 影完佢係咁望, 我就比部手機佢睇吓啦! 我話嘩! 勁靘呀! 佢就話係勁靚呀, 件皮褸!! 哈哈!! 之後佢哋攞咗相機, 我更係唔放過再影一張啦!!
番番office, 我就叫Keith快d sent番張相比我啦! 點知比Teresa笑我春心動, 嘻嘻!! 成班向到勁笑我, Angie重話之前都特登行開, 製造獨處嘅機會比我哋! 哈哈!! 傻傻地!!!
番屋企同沙律講電話, 話比佢知笑到佢死, 佢話諗起嗰時, 我想同Ohji San影相個樣喎! 佢話一定係好似嗰時個樣咁衰! 嘻嘻!!! 其實平時嘅我, 又唔係真係咁瘋狂, 話鍾意同名星影相嘅, 有時見到都唔願望佢哋添! 費事佢哋懶得戚呀! 況且咁大個人啦, 都唔係好好意思, 不過可能就係上次冇影, 今次覺得機不可失呱!! 激動咗!! 嘻嘻!!!
好勁..keep住做紙板人...哈哈
回覆刪除[版主回覆07/27/2008 22:50:00]嘻嘻!! 係喎!!!