上次未話向Facebook搵到d小學同學嘅, 真係有人覆我囉! 佢哋重認得我呀~~ 重唔止一個添!! 真係好開心呀!
記得以前重住向村, 撞口撞面都未必會打招呼, 但係可能係e+人又大咗, 又已經唔向村住啦!! 所以好似所有嘢都變得反而珍惜咗! 華富村就代表我嘅童年, 好似有d感觸咁! 嘻嘻!!!
見番佢哋就諗起好多小學時代嘅嘢! 諗起都覺得自己幾失禮! 記得有一次...尹sir都頂我唔順, 話說5年班嗰陣, 有一次上體育堂, 我帶住個波跑, 踩波車再踩波車再踩波車, 都唔敢出聲, 結果比人發現時, 我已經成腳都係血啦! 入到保健室, 尹sir同我洗傷口, 佢話"阿女, 你幾時先識諗呀! 都咁大個人啦! 你搞到咁先嚟洗傷口, 唉! 都唔知點講你呀!"
嘻嘻!! 諗番轉頭, 我好似真係冇乜點大過, 事關我到e+未又係成日都仆街! 哈哈!!
踩波車再踩波車再踩波車, 都唔敢出聲...哈哈哈..笑死我..點解無聽你講過既..哈哈
回覆刪除[版主回覆07/15/2008 12:08:00]係咩?! 唔知喎! 太多太多搞笑嘢啦!