阿Boo最後都係叫番阿Boo + 小春亂講嘢

之前講到... 阿Boo應該叫番阿Boo好哎... 定係叫做Abu好呢... 最後結果... 爸爸都係選咗阿Boo呢個名，因為Abu Law會比人叫“阿波羅”..... 所以都係Boo Law好d... 哈哈~~ 咁都諗得到... 爸爸真係細心㗎啫...

呢幅圖畫... 係小春自己畫嘅... 畫曬後... 我問佢... 你覺得你畫d小皮球... 真係咩呢?!... 佢自己答美麗......... ok.... 既然你答得出... 媽媽就幫你寫矣啦~~~ 哈哈!! 其實... 就係為咗呢d咁嘅工作紙... 成日叫人搵圖片... 去邊到搵咁多圖片啫... 重要次次第二日就要交... 所以我真係好想賣部曬相機囉... 


另外... 

前幾日... Tun同我講... '太太, 翹翹話... "你唔係話我蠢吓話"... 我冇咁講呀'... 我R曬頭... 小春點解冇端端咁覺得阿tun話佢蠢呢... 肯定又唔知向邊到學啦... 最後... 原來佢睇蟲蟲特工隊入面嘅對白...

前日... 我同小春講... "我唔玩啦... 我今日好攰呀!"... 小春答... "我知你番工好攰... 好悶... 好驚..." ... 我又R曬頭答... "我唔驚... 因為我知番到屋企... 就會見到我個寶貝囡啦..."... 到夜晚同佢睇Brave... 原來又係將人哋句對白... 加咗番工... 同佢自己d幻想... 變化出嚟嘅...

所以話呢... 睇卡通... 真係會教壞小朋友... 但又同時... 令佢哋有無窮嘅想像空間 & 創作... 只要適量同及時嘅教育... 我諗... 冇嘢係100%唔好嘅...