等待春+剪駛Boo

尋日... 小春終於著咗舅父向韓國買番嚟嘅春裝啦... 唔~~~~ 真係可愛嘅啫... 哈哈~~ 成日自己讚自己個囡... 冇法啦... 做阿媽係咁㗎啦... 大家睇開d啦... 哈哈~~

學完琴... 但今次放學就唔係即刻去姨婆到... 因為約咗姨公幫阿Boo剪頭髮... 所以我要番屋企接埋阿Boo先... 嘩~~ 又要一個帶兩個去街... 諗番都覺辛苦... 嘻~~

去到沙律屋企... 小春突然走嚟好細聲咁同我講...姨婆有勇敢公主呀... 吓!! 姨婆點會有勇敢公主呀.... 佢就拉我埋去個vcd櫃... 果然有隻碟向到喎... 我話你自己問姨婆睇唔睇得啦... 佢就去問啦... 點知原來... 姨婆自己都唔知自己有隻碟... 哈哈~~ 姨婆話... 如果一陣食嘢乖先有得睇... 之後小春就成隻熱鍋上的螞蟻咁... 又心急... 又期待... 等等等... 行嚟行去... 又番嚟望吓隻碟... 又坐向巷仔等姨婆... 真係比佢笑死...

之後出咗一陣街... 回程就大獲啦... 落狗屎呀... 好彩我有帶車仔雨罩同小春件雨褸咋... 沙律就揸雙遮遮埋我... 小春就企bb車踏板... 我就推著bb車... 狼狽非常...

最後... 番到沙律屋企先睇到... 原來紅雨囉... 不過都好彩我哋早咗一步... 因為之後變咗黑雨... 重落埋冰雹添呀... 真係得人驚啦...

姨公終於番嚟... 幫阿Boo剪髮啦... 大家睇吓... 阿Boo叻仔到... 事關訓練有素嘛... 姨公都話真係乖... 未到歲半人仔... 自己坐定定剪頭髮... 特准佢第日都唔洗上Head記... 可以向屋企剪頭髮... 哈哈~~

 嘩~~~ 剪完成個清爽靚仔曬... 哈哈~~