遊樂場again

經過上個禮拜... 同3隻小魔怪去室內遊戲室玩完... 今個星期... 小春一早同我講掂數... 話學完嘢... 要encore... 就連佢至愛個打千秋公園都話唔去喎... 我估係因為... 遊戲室有地墊... 佢可以周圍碌都冇人鬧佢啦... 哈哈~~

雖然... 今個星期唔洗帶軒軒去... 但一個人帶2個... 行咁遠條路... 都是食力的...

之前擔心... 上次有軒軒陪小春玩... 今次冇... 而阿Boo又未識同小春玩... 小春會唔會好悶呢...

一到達... 小春即要拖住阿Boo奔... OMG~~

好彩入去5分鐘... 即遇清場... 原來遊戲室每45Mins清潔一次... 每次15分鐘... 哈哈~~ 咁就岩啦... 再入去會係3:00... 玩到3:45... 岩岩好4:00可以番到屋企餵阿Boo食奶... 而每次清場... 姨姨會入嚟關燈... 叫小朋友出去... 哈哈~~ 咁小春想唔走都唔得啦... yeah~~

就向呢15分鐘break... 小春竟然就遇見同學仔... 哈哈~~ 小春每次向學校以外... 遇到同學仔... 都即刻變癲人... 呢次都唔例外... 不過都好彩... 有人陪佢玩... 唔洗再捉住阿Boo係咁走...

 

 

 

 

阿Boo 經過上星期嘅體驗... 今日明顯大膽咗... 但係... 今日好多大嘅小朋友... 所以每步都要睇住... 有個女仔自己入咗城堡... 阿boo開佢d窗... 佢竟然大力關窗... 差d夾到阿boo隻手指... 之後重向窗門伸隻手出嚟打咗阿boo一嘢... 我??? 我點會唔出聲... 我問佢點解要出手呢... 你唔知嗰個係bb嚟咩... 個女仔嘅阿媽(big6)... 就向隔離... 但冇出過聲... 咁都得...

好彩... 我已經同小春講掂數... 下星期... 都係去番打千秋公園啦... 近近哋... 比媽媽回吓氣啦!!