裝飾朱古力 + 媽咪出院了

尋晚探完媽咪... 番到屋企同小春玩... 呢個嘢買咗一排... 一直都唔記得攞出嚟... 終於有機會玩啦... 小春初初整呢兩個時... 都好有心機... 整到第3個... 就冇曬耐性啦... 因為佢知第3個係整比自己食嘅... 哈哈~~ 所以我都唔逼佢... 遊戲嚟啫... 叫佢嗱嗱趕食咗佢就算... 整番呢兩個... 一個送比媽媽... 一個送比爸爸... 但到最後... 因為小春跌咗佢嗰粒... 所以我都比咗半粒佢食啦...

 最後... 叫佢同我攞住朱古力影張相啫... 個衰女包整古做怪... 重用手擋住我塊面添... 細佬Boo都冇我哋咁好氣... 只係向旁邊陪笑....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今日... 媽咪終於都出院啦... 所以我哋成班就約曬去佢屋企聚一聚... 等佢又見吓d孫啦... 希望佢開心... 又快d康復番曬啦!!