Boo去健康院 + 得獎春

今日下奏放假... 同阿Boo去打針... 又係完全冇喊... 只係縮咗一縮啫... 但健康院歲半評估唔pass... 主要係識講好少嘢啦... 疊積木只疊到一層... 我諗佢係唔願意玩多d囉... 唉~~ 重之兩歲要再去過囉... 姑娘又話要同佢戒奶樽... 所以番到屋企未同佢試吓囉... 第一次用杯飲奶... 只飲咗一半... 算好好啦... 小春嗰時... 直頭拒絕用... 

為免佢哋似我... 一戒奶樽... 連奶都唔肯飲... 所以... 我都唔會特別逼佢哋... 只要識用... 識飲就ok啦...

工作一浪接一浪... 難得放假... 更係去接小春放學啦... 重諗住比個驚喜佢... 點知... 原來阿tun一早同小春講咗... 許老師話... 今日小春一番到學校就同佢講... 媽媽今日會嚟接我呀....

好彩... 我呢個媽媽冇偷懶啫... 如果唔係... 小春未好失望...

今日重有意外收獲... 就係小春竟然得到佢人生嘅第一隻獎杯... 雖然之前都有參加過一d比賽... 亦有過一d名次... 獎牌... 但獎杯喎... 好勁呀~~~

係咩獎?! 嘻嘻~~ 其實只係之前種嗰棵新基內亞鳳仙... 攞到銅獎... 真係難明... 點解會得獎... 重要我向份報告到... 已經寫明... 種死咗... 媽媽幫我去買過棵... 咁都竟然有獎囉... 重要唔係豬肉獎... 係真係得幾個有... 越諗越難明... 哈哈！

唔知係未我接放學... 小春興奮過度... 影相擺埋d pose都騎尼d... 哈哈~~