好彩我有個好鍚我嘅男友啫！

尋日真係心情好差，差到極點，原因種種，唔想再講！希望今日開始正常番啦！

不過，尋晚番到屋企，當我重沈淪向我嘅空虛同感嘆褢面嘅時候，我享享(電話中)話比我聽佢好忙喎，我問佢點解啦！原來佢真係記得上年應承我，今年為我做一個燈籠！佢話原來真係好難整o家！整到個樣好古怪呀！雖然佢唔肯話比我聽整個咩型狀，我亦未見到個燈籠，但係已經足以令我電話後，沖涼時，自己向到傻笑，大笑！真係好開心，整得靚唔靚已經係其次啦，最重要係嗰份心意囉！你諗吓~~一個人，同你拍咗九年拖，重肯為你花心思，整幾日，就算整隻怪獸出嚟呀！都係開心嘅！真係抵鍚！

嘻嘻！搞到人哋尋晚訓唔著，重向到諗~~究竟係點嘅呢！最衰佢啦！咁早話比人哋聽！比d驚喜人都唔得嘅！佢個人就係咁o家啦！冇d情趣！不過又掉番轉頭諗，可能佢係唔慣有嘢瞞著我，所以先不吐不快呢！哈哈哈！雖然有少少自欺欺人，邊個唔識講大話啫！但係我都可以感受到，佢真係好鍚我囉！