booboo有書讀 + 小春扮媽媽

Boo勁叻仔... 已有第一間學校收佢啦！

雖然小春嗰間我都覺得機會好大... 但因為佢易病... 唔想佢去太遠讀書... 呢間就向屋企樓下... 岩曬！所以已決定讀呢間...

點知... 大家睇吓小春向份回條圈咗d乜... 重學我簽名添！真係激死人... 佢唔係第一次㗎啦... 呢排成日想扮媽媽... 扮大人... 真係冇佢修... 但今次我好嬲呀... 我話佢黑心... 細佬呢次比你搞到冇書讀啦... 跟住我就唔采佢... 睇得出佢真係好驚...

到最後... 佢同我講... "媽媽... 其實我都好想細佬有書讀㗎... 我以後都唔會再用原子筆寫字啦!"

唉~~ 囡!! 你識咁樣認錯... 我重邊到嬲得你落哎... 只要你明白... 唔係張張紙都可以隨便畫嘢... 同埋只用鉛筆畫的話... 呢個問題都唔係真係好大啫... 無心之失... 今次算啦!!

呢個消息咁高興... 當然要同早產bb會嘅媽媽都報一吓喜... 鼓勵一下e+重好擔心... 我哋早產bb冇人咁叻嘅媽媽啦... Boo 26週出世 805g... 到而家26個月啦！曾經都好擔心... 呢個細細仔發展比人慢... 會唔會好難搵學校呢？洗唔洗同學校講佢早產呢？結果... 好開心... 佢比到驚喜我！大家都要加油呀！我哋早產b嘅潛力係無限㗎... 點知竟然有148個like... 哈哈~


岩岩帶飯食... 食食吓... 食到小春尋晚夾進我飯盒的一塊魚... 好鯹... 但好甜!!