咁耐唔寫都唔知寫d咩好！

唉！我好似好耐都冇update過我個Blog啦！事關我早排沈醉咗向呢個中日韓劇到，日日睇，睇到唔願訓呀！其中我最鐘意嗰部就係惡作劇之吻喇！大家不妨買嚟睇吓啦！

話 時話，好似有好多嘢都miss咗，冇記低添！但係一時之間，又唔知寫咩好喎！唉！算啦！講吓由沙律生日開始，我就多番同佢一齊出嚟喇，我同志雄重差唔多個 個星期六都出去同佢地一齊食飯，又估唔到，佢哋都ok傾得喎，加上世界杯一齊睇波啦！都幾開心o家！不過...呢排就真係幾疲囉，睇得世界杯嚟，第二朝又 要番工，番工又疲，放工重要追吓劇，跟住又話開波喇！根本唔夠訓！好啦，終於世界杯又完咗喇，錢又輸埋喇！應該歸位啦呱，尋晚，我一早搞掂曬十點半就上床 訓覺啦，諗住今朝重唔精神奕奕番工咩，點知今朝重係咁疲嘅！真係唔認老都唔得呀！訓一兩晚邊到補得番哎！好釆我e+食緊隻骨膠原粉先keep得住咋，如果 唔係~肯定老幾年呀！

呀！重有一樣嘢係不得不提嘅，就係上個星期六，我同沙律同Michelle向銅鑼灣駱克道452號大觀樓1字樓，發現到一間嘢揼骨，好得好得好很得

，重要只係98蚊45分鐘咋喎，按腳都係88蚊45分鐘咋，你哋話哎~重洗乜番大陸呀！