情意結

尋日又見啡, 驚得滯, Call咗阿珊陪我去廣華, 結果要留院觀察, 好彩醫生都係話唔洗擔心住, 等多排.... 睇吓bb有冇心跳先啦!! 約咗嗰期比我再照超聲波!!

今日, 志雄接我出院, 一出嚟就上的士, 買唔到炸雞肶, 佢話番到慈云山幫我買喎, 點知.... 佢好耐都唔番嚟, 我打比佢啦, 佢竟然話比我聽, 慈云山咁大, 咁多食市, 咁多大排檔, 咁多茶餐廳, 竟然冇一間有炸雞肶賣喎, 你話激唔激死人哎!! 真係有d唔開心囉, 人哋由細到大, 出親院, 媽咪都會買炸雞肶比我食家嘛, 唉!! 結果老公唯有買咗家香雞, 話等我滿足半個願望先喎!! 真係好掛住天龍呀~~