我又可愛又無聊嘅同事

話說msn入面有隻公仔

, 我每次見到佢都覺得好鬼搞笑! 佢隻眼真係好鬼賤, 又笑得生硬!! 細細粒, 搞到人身到痕埋! 哈哈!! 所以我好少用呢隻公仔o家!! 但係有個同事叫Trisha就超鍾意囉! 重成日攞佢同其他嘅msn公仔嚟作故仔, 超低能囉!!

尋日, Trisha走出嚟同我講, 話佢唔見咗把交剪, 我未比我嗰把佢用囉! 點知佢話唔好! 咁好啦, 我就入文具櫃攞把新嘅比佢啦! 沿途...佢係咁笑囉! 問佢笑咩, 佢又話笑到講唔到嘢! 算! 反正佢成日都係咁傻傻哋, 跟住經過Pantry時見到Niki, 佢向到飲緊水~~ 我冇理佢繼續行入office攞文具, Niki呢個時候番嚟啦! 重問我食唔食綿花糖添! 我話唔食啦! 攞完嘢就出番Reception啦! 一出到去, 都未坐低我已經笑到停唔到, 低能o家! 真係低能o家!! 哈哈哈!

原來佢哋做咁大台戲, 哈哈哈! 係因為要引開我, 然後Niki就有機會向我個mon.到貼佢哋親手整嘅貼紙, 真係低低哋o家! 哈哈!! Niki唔去考藝員訓練班side曬佢d咁嘅人材啦!! 嘩哈哈!

之後, 佢哋重特登出嚟, 話睇吓我有冇meet走佢哋嘅一番苦心喎! 又話佢哋自己都貼咗又剩! 你話佢哋痴得幾勻循呢~~~