06年終於都過啦！希望07年每樣事都咁如意啦！哈哈！

尋晚，我地成班入咗赤柱燒野食，即係亞Mike個風帆會嗰到呀！嘩！起初直頭凍到飛唔起呀！心諗咁樣慶祝除夕夜真係唔棧呀！好彩亞Mike借咗頂帽同褸比我，跟住又飲咗酒先暖番咋！哎！話時話尋晚志雄買嚟嗰隻白酒又幾O喎！好似叫Stanly呀！真係幾好味！

到到差唔多12:00，我哋就走咗出酒吧街到倒數，好開心呀！06年終於都過咗啦！頭先睇番上年寫blog講嘅大計，好似只係做到咗一樣，就係煮嘢比屋企人食！其他咩報course呀，飲酒節制d呀！就一d都做唔到喇！哈哈！

至於今年嘅大計呢！我諗住集中d，一樣就夠喇，而且事必要做到！就係賺錢賺錢賺錢，儲錢儲錢儲錢！哈哈哈！亦希望志雄今年生意好到不得了！人人都健健康康，工作又順順利利，日日都開開心心，世界又和和平平！咁就好喇！

各位Happy New Year呀！