情人節@SweetSweet呢~~

今年為咗儲錢，大家都諗住一切從簡，但係禮物總唔可以唔送o家！所以我就一早諗咗叫佢自己挑一對耳環送比我，個過程都幾好笑o家！不過結果買o既又幾靚喎！而我呢...尋日亦都終於諗到送咗個Sinomax o既椅墊比佢，因為佢成日話公司張椅坐得唔舒服嘛！花？一早講咗唔要啦！太貴啦，都話儲錢咯！

 

睇o下佢食得幾兇狠，食過晚餐後

佢突然有一個好瘋狂o既想法，話去遊船河喎！我諗住都係個D天星小輪個D行嘢啦！點知佢原來係話搭船去長洲喎！嘩！好癲呀，我鍾意呀

於是我o地就搭10:30船入去喇，上船之前重買咗啤牌，而家諗番，唔買重好，唔買我o地可以傾吓計，吹吓海風都幾浪漫哎！買咗~~唉！成程船就向到玩啤牌

哈哈！不過，我都係好開心o既，因為佢教我玩十三張時，嗰個循循善誘o既表情，真係好得呀！

其實去到之後，我o地只係買咗支綠茶，Be咗一Be，同埋食咗串魷魚就搭尾班船出番嚟啦！番到中環，我o地重趕得切搭尾班小巴番屋企添！勁呀，D時間全部都岩岩好，實在太順心啦

就好似夾過咁！勁呀！可能你o地會覺得我o地好無聊，但係我就非常欣賞佢呢個咁大膽o既安排，起碼佢真係有為呢個節目，為我去搞過腦汁嘛！