恭喜發財！小花公主恭喜大家發財！！

嘩！呢幾日預備新年同新年都好忙，所以好耐都冇上o黎寫o下o野啦！今年有Jofee陪我過新年，真係好好多呀！點解？因為上年佢要開工唔得閒陪我囉！可能係試過冇佢陪，今年覺得特別珍惜，同埋特別好開心囉！

我o地由年廿七開始就行花市同花墟，足足行o左三日，但係一D都唔悶，重覺得好開心添！嘻嘻！Jofee今年買o左盆吉，好靚o家！我重向公司拎o左D印o左花開富貴呀，大吉大利o個D絲帶番去幫佢裝飾，嘩！整完真係即刻sharp曬！我屋企D花當然都唔少得啦！勁靚呀！

哎！重要提一提，今年媽咪種D水仙燦爛到呢！冇得彈呀！媽咪真係好厲害呀！哈哈哈！！
年初一，例排拜年拜年再拜年啦！不過最開心有兩件事，第一，今年去到朱姥姥到，各位阿姨、舅舅、舅母都一致認同，我係靚過沙律！哈哈！好開心囉！

雖然各花入各眼，我同沙律不嬲都有唔同o既捧場客，但係有D由細睇到我o地大o既人讚，個感覺真係唔同Do既！第二就係今年我已經發o左新年財啦

有就得o家啦！所以我唔再賭喇，費事破番，唔好意頭嘛！

年初二，照例同媽咪去佛堂

之後陪佢行o左陣女人街，到夜晚要多謝沙律同Mathew送o左兩張李克勤o既飛比我同志雄睇，最開心係重見到阿旺添！

年初三，同志雄D同事去西貢燒o野食

哎！o個到D環境真係唔錯喎！夜晚重到一到澳洲個生日派對，之後就番屋企準備迎接初四番公司逗利事o既心情喇！哈哈哈！
尋日初四，總括o黎講，收入都可以接受啦！不過比起之前o個兩年就好似......可能公司真係少o左已婚o既人呱！

今日我就約o左統一之友食飯團拜

但係我封大利事TM竟然番o左台灣喎！唉！Bessie又話就o黎唔做啦！出年都唔知重有冇團拜添咋！希望呢班兄弟姐妹可以照樣，保持聯絡就好啦！
最後，o向到祝咁有心o黎睇我Hompy o既朋友們，身體健康、心想事成、財源廣進、狗馬亨通、得心應手、萬事如意、無本生利、不勞而獲......