2006年~~你要加油呀~~~(大叫)

年年，年頭o既大計都好多，不過通常都唔成功o既！今年都唔例外，大計都係一籮籮！但係有D唔同，就係今年o既大計，我好想好想，一一都實踐到！可能係已經大個啦，覺得o向對生活有要求，對音樂有追求以外，對自己都係時候應該要有o番D要求啦！(哈哈！講得實在太好啦！)所以，我同自己講，今年一定要報番過Course讀，因為年年都話讀，始終都係冇拎起心肝去報！第二就係想煮餐勁o野比屋企人食

我要打破平均分八十分o既記錄！第三就係要學識飲酒要有節制，所以大家下次見到我差唔多，講o野又開始越o黎越大聲o既時候，就記住提提我啦！唔該o曬！嘩！好似越講越難咁o既！都係唔好講咁多啦，一陣做唔到又唔開心呀！

嘻！不如又講下新一年o既願望啦！我希望世界和平啦、人人都身體健康工作順利啦、志雄今年賺多ｄ啦！（完成到今年o既特別任務啦！）最緊要最緊要就係個個日日都開開心心！