2014年5月22日 星期四

"小春"

其實一直... 我都冇特別叫小春做咩名... 諗起乜就叫乜囉... Cleo... 翹翹... 肥milk......"小春" 就好似我文章中形容佢的一個代號... 相反... 我已很習慣人叫我做小春媽... 哈哈~~

前一排... 小春突然話我聽... 許老師叫佢做小春呀... 我問佢... 點解佢知你叫小春嘅? 佢話唔知喎~~ 之後... 佢好鍾意人叫佢小春... 上星期同佢出街... 有個男仔撩佢玩... (應該係隔離鄰舍4歲嘅孫仔... 都型型哋... 哈哈~)... 人哋問佢叫咩名... 見小春諗吓... 我向佢隔離就細細聲講Cleo... 點知最後佢答... "小春"...

尋晚... 向學校借咗圖書番嚟... 書名叫... 小河馬... 佢認得個小字... 指住就話... 小春... 係未小春呀... 哈哈~~

今日... 我終於諗到... 點解許老師知佢叫小春啦... 應該係有一時我做閱書報告時... 可能慣性寫咗小春呢個名落去... 哈哈~~ 今晚話比小春聽先... 嘻~


沒有留言:

張貼留言