有啦有啦~~ 有心跳啦!!

今日去廣華覆診, 照到有心跳啦!!

上次比阿b d相志雄睇, 睇完佢好似都冇乜反應咁, 可能男人就係咁呱, 咁又係嘅.... 得個窿... 會有咩感覺喎!! 今日佢自己都見到bb心跳, 雖然只係見到有點嘢向到震震吓咁, 唔知佢有咩感覺呢, 但係我就好似開始同佢有咗感情咁喇!!

跟住就去健康院嗰邊約埋覆診d期呀, 又攞咗d小冊子, 因為原來政府唔幫人做唐士綜合症d檢查嘅, 又要自己出去搵醫生做, 又開始有嘢擔心喇!!

希望bb健健康康咁成長啦!!