++志雄生日++

尋日係志雄生日，所以前晚我哋就諗住去BeerBeer佢，點知‧‧‧哈哈！邪到呢！哈哈哈

由於我哋係臨時決定嘅，所以打比豬紅時，佢已經入咗大埔飲啦！太遠啦，我哋都係唔去啦！諗吓想搵間靜d嘅Bar，不如朗豪坊啦！點知上到去，人哋都差唔多close啦！咁我就話不如去上次同Bessie佢哋去校服派對嗰間啦，點知上到去，人哋竟然休星期日o家囉

哈！ 真係搞笑呀！邊有Bar咁撚串o家！哈哈哈！搞咗九年，終於我諗起，之前上網睇過有間天台Bar向好景上面o家！上到去，d環境都幾好哎！好哋重叫咗件蛋 糕，等十二點一齊食添！哈哈！好溫馨呀！不過最搞笑嘅係，一過咗十二點，d雨就不停咁落，嘩！又行雷又剩，幾得人驚呀，結果到最後，都係d待應借傘比我哋 走o家咋！嘩！大雨到呢！志雄話水為財喎！希望真係如佢所說，今年賺到笑啦！

好 喇！講吓尋日正日啦！本來我好好Plan o家！首先行吓街，跟住搭直昇機遊維港，再去長洲食海鮮，實行海陸空咁慶祝嘅！點知志雄話太浪費啦，不如去郊遊啦！大家都知啦，之前嗰晚落咁大雨，點郊 呀！所以結果我哋行完街，就入咗西貢飲嘢跟住食海鮮喇！雖然係靜靜哋，但係其實講真，只要我哋兩個向埋一齊開心同夠愛，去邊又有咩所謂哎！節日~~只係我 哋慶祝嘅一個籍口啫！