困(車立)呀!

平時上志雄屋企

，佢都會向巴士站接我嘅，但係因為尋日朝早佢比個小朋友嘔到一褲都係，所以我就叫佢噃屋企沖涼先，唔洗等我喇！點知...我入(車立)嗰陣，後面有個樣衰佬勁迫入黎，架(車立)連埋佢先得嗰三個人，迫咩啫！嚇我一跳，以為係咸濕佬添！跟住，我就企埋個角啦！點知一關門，架(車立)跳咗一嘢就停咗喇！嗰兩條友，開始噪圈巴閉，又按鐘又叫又剩

我就企埋一邊，尤得佢地噪囉！話囇架(車立)都喺地下，而且又有人又有燈又有風扇，冇咩好驚啦！

我心諗，志雄咁耐唔見我到，又打唔到電話比我，實知我有d嘢嘅，況且佢d屋企人咁鍾意睇閉路電視，點會唔知我困(車立)啫！跟住我就攞個電話出嚟打機喇！佢地當然繼續噪啦！

過咗一陣，我聽到出面有人話，已經叫咗消防員，咁照計就更加定啦！點知嗰兩個人，重繼續噪，一個問另一個，出面個人講咩呀？另一個話聽唔到喎！我心諗，你哋兩條蛋散咁鬼噪，重學人企囇喺門口，原來咩都聽唔到！

咁我就話比佢哋聽，希望佢哋安心等人救啦！點知唔係，死死重去按鐘，怪叫！真係比佢哋激死！

我開始有d唔耐煩

諗住坐底，咁就睇吓個袋有D咩係會坐爛嘅，諗住攞出嚟先，點知比我搵到部mp3喎！真係救星呀，唔洗聽佢哋噪，咁我就一路聽歌一路打機啦！又過咗一陣，我開始覺得好肚餓，望吓條師奶，見佢拎住袋斬料，心諗，好彩！再唔係未問佢攞嘢食囉，大家都咁可憐，佢冇理由唔比嘅，咁當然我冇咁做啦！跟住我又諗，死啦！如果一陣急，咁點算呢！我重啱啱清潔完個肚臍，好易肚痛添o家！

過咗一陣架(車立)開始又跳咗一嘢，一嘢又一嘢，開始有d驚喇！諗吓，架(車立)係就係o向地下，我點知我嘅地下，即係架(車立)嘅地下啫，D人成日話如果困(車立)要企埋一邊，對腳微曲o家嘛！但係我e+坐o向地下

一跌落去會唔會跌親條尾龍骨o家！好驚！但依然冇起身，因為唔知重要企幾耐，決定死就死啦！冇咁易呱！好彩，好快架(車立)就開噃喇！話好快啫，其實全程都有成大半個鐘o家！

上到志雄屋企，佢哋重未食飯等我，唉！頭先講咗啦，佢哋好鍾意睇閉路電視o家嘛，有咁好機會，同咁好嘅節目，佢哋又點會錯過哎！唉！我覺得自己尤如真人Show嘅女主角，好魚！真係好魚！

Yee......點解唔見咗志雄嘅，原來佢擔心我驚，諗住我一出(車立)見到佢會定D，所以落咗地下等我，點知我o向二樓出，所以遇唔到佢，浪費囇佢一噃苦心添！

大家係未以為呢件事就咁就完先，更係未啦！原來志雄落到去，問管理員報咗警未，佢哋話Call咗電梯公司，咁志雄都算啦，等一陣啦！嗰時我諗我困咗十五分鐘到啦！跟住又過咗十分鐘，電梯公司D人重未到，志雄又問佢哋究竟報咗警未，點知嗰個管理員話唔報得喎！志雄話咁我報得啦呱，個管理員都話唔得喎！志雄結果就門小門小佢哋，重掃囇人地D嘢落地添，我諗你哋更係未見過志雄發脾氣喇，佢一發脾氣係好恐好恐怖o家

到到D消防員嚟到，都叫佢冷靜D添！哈哈！

佢噃到嚟屋企，重勁嬲咁同我講，話激到佢胃都痛埋！唉！我本來重諗住佢會摟吓我，安慰吓我o家嘛！點知佢重激動過我，真係比佢吹脹！不過．．．佢為咗我咁緊張，我都覺得好高興！抵啺