星期一晚我跌親呀！撞咗落個厨房門到，結果‧‧‧未穿咗頭囉！
D血係咁流係咁流，我覺得塊面好熱，可能係D血好暖呱！跟住我屋企人就報警啦！
志雄同霖霖陪我去醫院，見醫生嗰陣，佢竟然話就咁縫針，跟住可以走得喎！有冇搞錯呀！我未同佢講囉，醫生 我女人嚟嗰喎！你睇吓我靚到拱，如果有疤咁我點算呀？跟住醫生就話比兩條路我行喎，一係呢就縫完針走，等覆診時再同醫生傾，一係呢就留院，直接同整型醫生商量點算，嘩！我更係留院啦！
唉！我睇到我個傷口，由美人尖到到左邊尾頭呀！唉！我點算呀
整型醫生話都係要先縫針，傷口表面就兩個星期到會好o家啦！但係入面呢，就起碼要半年先好番，就算真係要整都要半年後囉！唉！
好釆縫完針，都唔係想像中咁長，都係大半個額姐，我諗如果整埋型之後，唔會好覺呱，醫生話完全冇嘢就冇可能o家啦！都好過冇啦！唉！心都實埋呀！
沒有留言:
張貼留言