婚妙照

嘩！足足一個月都冇update過個blog啦！因為今個月真係忙到PK呀！點解？？未就係因為過完年要計嗰份死人大陸糧囉！唉！頭都痛埋！個d咁嘅工半、雙工、三工計到我想嘔呀！

呀！岩岩過咗嗰個復活假，我同Jofee借咗肥明深圳間屋住咗5日！(順便向到thank you佢先

！)點解？因為我哋上咗深圳現代經典影婚紗相囉！都ok喎！d景都幾靚！本來我個package包一幅30x40寸嘅油畫

(大撚到仆街)、一幅20x25嘅大相、70張相連3本分別係18、15同12寸嘅相薄(包入冊)、重有7個做型同4個景點添！我諗住實夠有剩啦！點知...最後我曬多咗成80張相都不特止，重加多咗兩本相薄添！唉！因為有d就算唔係影得我哋好靚都好，d景都實在太靚啦！唔捨得唔要呀！唉！呢d未就係有口話人冇口話自己囉！

不過...d相都有dd嘢要執o家！25號重要上去睇版，唔知執唔執到呢！我諗住如果執唔到嘅話，有兩part要重拍呀！一個係室內，嗰件衫太大件啦！同埋其實我都唔鍾意，唔想夾硬要d相囉！應該冇問題嘅！不過另外一part海景就好難講啦！真係未必比重拍！希望執到啦！

雖然d相重未執，都比少少你哋睇吓哎啦！嘻嘻

唔...擺上黎d質素唔係咁好添！不過睇住先啦！我諗執完相之後再放d上黎啦！點呀？點呀？O唔O呀！

哎呀！香港芝柏嗰輯

(富豪送)都未影呀！你哋知嗎？影呢d相真係超疲o家！我同Jofee影咗兩日，揼咗兩埸骨呀！不過個過程好開心，我重覺得我哋感情都好咗！哈哈！